....ගොළුවෙක්මි....

ගහක පිපෙනා මලක රුව ගුණ
ගසක් කෙලෙසක කියා දෝ
පුදසුනක ඇති මලක සිසිලස
අසුන කෙලෙසක කියා දෝ

සිතක නැගෙනා දයාබරකම
සිතක් කෙලෙසක කියා දෝ
හදක ලියැවෙන කවක පද වැල්
හදක් කෙලෙසක ගයා දෝ.......

.....දුකින් මිදීම......
බුදු නෙත් අභියස
පුජාසනයේ
දෝතින් ගෙන පිදු
සුදු මල් අහුරේ
එක ම මලක් වී
සැඟ වී ඉන්නෙම්
දුකින් මිදෙන්නට
නුඹ සිතනා ලෙස

අප ගිය එක මග
මංසල් තුනකින්
සැදී තිබුණු බව
කවුරු දනීවි ද
නුඹේ සිනහ මල්
මුකුලිත වූ දා
නැගුණු විරහ දුක
සතපාලන්නට
නුඹ පිදු සුදු මල්
අහුරක් ගානේ
පැතුම් පතුයෙමි
නුඹ සිතනා ලෙස.......

...හීන ඇහිඳින යාළුවො....
හීන ඇහිදින්න පුළුවන්
මොන බොරුවක් ද
එහෙමනම්
උඹ වීසිකරල ගිය හීන
ඔක්කොම ඇහිඳින්න තිබුණා
අනික අපි මවපු හීන ඔක්කොම
බයක් නැතුව වීසිකරෙ
කවදාවත් හීන ඇහිඳින්න
බැරිබව දන්නා හින්දනේ.....

...කඩප්පුලි සිතුවිලි......
හන්තානට පායන හඳ
ලස්සනයි ද බලන්න
බෝට්ටුවක් හම්බ උනා
හිතාගෙන ඉන්නේ ලඟදි ම
හබල නැතත් ගොඩ බාන්න

මහවැලියට දැම්ම කිව්ව
ගුලි කරපු මතකයත්
හොයා ගන්න ඕන කොහොමහරි
මහවැලියෙන් එතෙර උනොත්
සංසාරෙනුත් එතෙර වෙය්නෙ..!

....උඩු ගම් බලා එනකම්.......

වැව් තාව හැඩ කෙරූ
තුමුල රුක් සෙවන යට
අපි පැතූ පැතුම් මල්
වැවට බර නැතුව ඇති
තුමුල තුරු පත්ත්‍රික ද
වැව් දියට මුසු වෙලා
පාත ගම් බලා ගියෙ
ඒ හින්ද වෙන්න ඇති

........අවසන් කැමැත්ත.....
මා මළ පසු සොහොන් කොතේ
දුක් ගීයක් නොලියනු මැන
මා මළ පසු සොහොන් කොතේ
බුදු වදනක් ලියනු මැනව

""පියේහි විප්පයෝගෝ දුක්ඛෝ""
    අවශ්යභාවී ප්‍රිය විප්‍රයෝගක්

.....අතීතයට ඇරයුමක්.......
අතීතය මා සමග ගෙවුණකි
කොහේ කොතැනදී හමු වුන්නේදැයි
තාම හරි හැටි මතක නැති හැටි
අතීතය මම කරමි ඇරයුම්
කොහේ කතැනක සිටියමුත් උඹ
මා රැගෙන යනු මැනවි සපැමිණ

කුරිරු වත්මන දකින හැම විට
බයෙන් තැති ගෙන ගුලි ගැසෙන්නෙමි
අතීතය මා රැගෙන යනු මැන
උඹේ තුරුලේ තුරුලුවන්නට............

.......කිවිඳ සේකර...............
පුන් පොහෝ දා
පිරුණු හඳකින්
කිවිඳ....
මම නුඹ නො දුටුවෙමි
අමාවක දා
නොමැති හඳකින්
කිවිඳ..
මම නුඹ දුටුවෙමි
ගලා බසිනා
සොඳුරු ගඟුලක
කිවිඳ..
මම නුඹ නොදුටුවෙමි
දිය සිඳී ගිය
ගඟුලේ වැලි මත
කිවිඳ..
මම නුඹ දුටුවෙමි
සුපිපි දහසක්
කුසුම් අතරේ
කිවිඳ..
මම නුඹ නුදුටුවෙමි
මිලින වී වැටි
එක ම කුසුමෙන්
කිවිඳ..
මම නුඹ දුටුවෙමි
දේවඟනන් යැයි
කියන රුවකින්
කිවිඳ..
මම නුඹ නොදුටුවෙමි
කටුක දුක් විඳී
නො රන් රුවකින්
කිවිඳ..
මම නුඹ දුටුවෙමි.........

......ගසට අහිමි මල..........
සෑම මලක ම බර දරන් නම්
කටු ගොඩක දුක් සෝ දරන් නම්
අතු ඉති ද පත්‍රික දරන් නම්
නුඹේ බර උහුලණු කෙසේ මම්

මට ගොඩක් දුර නබෝ ගැබ සිට
නුඹත් එන්නේ ඇය සොයා ගෙන
ඉතිං කාටත් හොරෙන් අරගන්
මට අයිති නැති අගේ රොන් සුණු

.......සඳ නොමැති සඳ............
තිත්ත කළුවර
පාලු අහසට
පේවි පේවී
මෝදු වී නුඹ
එළිය කළ වග
අඳුරු අහස ම....

නොදුටු මුත් නුඹ....!
නුඹේ එළියෙන්
සුපිපි වන මල්
නුඹේ එළියෙන්
මග සොයාගත්
සිහිල් ගඟ දිය
නුඹේ එළියෙන්
සුවය විඳි ඒ
සිරි යහන් ගැබ්
ලියා ඇත ඒ
සොඳුරු මතකය
දුකට හඬනා
තාරකාවල,,,,,,,,

...අකුණ....
නෙත් කවුළු විවර කර
පැමිණ හද කුටිය වෙත
කළුවර ම අරක් ගත්
හද එළිය කළ මැනව

කළු වලාකුළුවලට
පෙම් කළත් නුඹ තාම
වැසි නොදී ගිය අරුම
අමතකව නෑ නේද
හද කුටිය වෙත පැමිණ
අඳුර පහ කළ මැනව
නුඹ සෙවූ පෙම් වැස්ස
උණු කඳුළු සේ පුදමි....//

.....මය්තුන සේවනය...
බෙරය...
නොදත්තෙකු ගැසුවහොත්
අමිහිරි ය
දත්තෙකු ගැසුවහොත්
සුමිහිරි ය..

..........වැසුණු නෙත් සහ අහසේ තරු..................
ගණඳුර කැටි ගැසුණු
පාලුම රාත්‍රියක
නෙත් අයා බලූයෙමි
හිස් අහස් වියන දෙස

එවිට...............
ලෝකය බිහි වූ දා සිට
පායන තරු ගොන්න
මොනවදෝ පවසමින්
පායා ඇත එලෙසම
එදා සිට මෙතුවක් කල්
මුළු අහස ම සරසන
තාරකා ගොන්නට වැඩියෙන්
ප්‍රේමයේ නාමයෙන්
පියාගත් නෙත් ගණන
වැඩි ඇතැයි මට සිතුනි.........

.....ඇය ( )මලකි...
ආදරය නමැති දුමයෙන්
මා සිතෙහි වූ
සප්‍රාණික සිතුවිලි සියල්
අප්‍රාණික කරන ලදී.....

තිබූ රජය පෙරලී නව රජයක් ස්ථාපිත වීම,,,,,
තිස් වසරක් පවතී අන්තවාදී කුරිරු යුද්ධය නිම වුයේ තිබු රජය යටතේ ය...රාජ්‍ය නායකයින්ගේ හා පුර වැසියන්ගේ කැපවීම මත එය සිදු විය..රණකාමී විරුවන්ගේ මෙහෙය කියා නිම කළ නො හැකිය.....එම රජයේ සේනාධිනායකයානෝ මහින්ද රාජපක්ෂයාණෝ ය..ලොව කිසම රාජ්‍ය නායකයෙකුට නොතිබුන තරමේ විධායක බලයකට ද හිමිකම් කියුවෙකි ඔහු....
නමුදු ලොව පළමු වතාවට විධායක බලය හිමි රාජ්‍ය නායකයෙකු පරාජයට පත් විය.......
මා මේ සඳහන් කරන්නේ ඒ රාජ්‍ය නායකයා ඇතුළු, තිබු රජය පරාජය වීමට බල පෑ ප්‍රධාන හේතු සාධකය ගැනය.

"'ජනශ් ච වාග් සුධා සුතීර්"'
මණි සුතිශ් ච රෝහණන්
නාන්‍යත්‍ර සිංහළ ද්විපාන්
මුක්තා සුතිශ් ච සාගර ක් ...>>බාල රාමායණය
මාලාශ්‍ර ග්‍රන්ථයන්ට අනුව එදා ශ්‍රී ලංකාව එසේ විය.නමුදු අද ඊට හාත්පසින් ම වෙනස් ශ්‍රී ලංකාවකි...හෙළ දිව,,රත්න දීප,සිහළ දීප,,මේ කිසි විරුද නාමයක් අන් රටවල ජනයා නොදනී..ඔවුන් අප රට හැදින ගෙන ඇත්තේ ශ්‍රී ලංකා, සිලෝන්, යන නාමයන් ගෙනි..
එසේම එදා හෙළ දිව සිංහලුන්ගේ තනි වාස භූමියකි..නමුදු අද බහුවාර්ගික රටකි..අපි එයට කැමති වුවත් අකමැති වුවත් එය එසේ ය..ජාත්‍යන්තරය නමැති නිවහනේ එක් කාමරයක් වන අපේ රට, එයට එකඟ නොවී සිටිය නොහැකි ය..ශ්‍රී ලංකාව බහුවාර්ගික රටක් නොවේ යැයි කීමට අපට ඉඩක් නැත..
සිමා රහිත විධායකයෙක්ව සිටි මහින්ද රාජපක්ෂ මහතා පරාජය වීමට ප්‍රධාන හේතුව වුයේ බොදු බල සේනාව නම් සංවිධානය යි..රජය විසින් ම ඇටවූ උගුලට රජය ම හසු විය..බොදු බල සේනාවේ තේමා පාටය වුයේ "ස්වාසමයාභිවෘධිය උදෙසා පටිසෝතගාමිව' යනුවෙනි.තේමාව එසේ වුව ද ?සිංහලයාගෙන් දෙමල ජනයා වෙන් කළේ ය..සිංහලයාගෙන් මුස්ලිම් ජනයා වෙන් කළේ ය.සිංහලයා ගෙන් ක්‍රිස්තියානි ජනයා වෙන් කළේ ය..රජය විසින් ම සුජාත කළ දරුවා රජයේ මළ ගමට ද හේතු විය.
පළමුව ම සිංහල අප දැන ගතයුතු කරුණක් ඇත.එනම් සිංහල බවුද්ධ අප අන් ජනයාට වඩා සංවේදී ජන කොට්ටාශයක් වීමයි..යුද්ධයෙන් බැට කෑ මේ සංවේදී හදවත් යුද්ධයේ නිමාවත් සමග සතුටු විය..ඒ සතුටු වූ සංවේදී හදවත් ම ජාතිවාදී හදවත් බවට රැගෙන ගියේ ද තිබු රජයම ය..මුස්ලිම් දෙමළ ක්‍රිස්තියානි යන මේ ජන වර්ගන් දිහා සිංහලයන් බැලූ කාරුණික බැල්ම අකාරුණික බැල්මක් බවට පත්කන ලද්දේ යුද්ධය නිමා කළ මහින්ද රාජපක්ෂ රජයම ය..ලංකාවේ අන්තවාදී පාපතරයන් නැතැයි මම නොකියමි.අන්තවාදීන්ට රැකවරණ දුන්නේ ද රාජපක්ෂ රජය විසින්ම ය..ඔවුන්ට විරුද්ධව කටයුතු කරනවා යැයි පාරම්බෑමට බොදු බල සේනාව නම් සංවිධානය සමාජ ගත කළේ ද ඔවුන්ම ය.සිංහලයන්ගේ හිත්වල ජාතිවාදී හැඟීම් අවුස්සා අන්තවාදීන්ට දඩුවම් දෙන්න හදන්නේ නම් එය මොන තරම් විහිළුවක් ද ?මස් වැදැල්ල හංගා ගෙන සිංහයාට ගල් ගැසීම විහිළුවක් නොවේ ද?
රජය විසින් සමාජ ගත කළ බොදු බල සේනාව නොතිබුණා නම් අද මහින්ද රාජපක්ෂ මහතා විධායක ජනාධිපති වී හමාර ය..බහුවාර්ගික රටක සිංහල අපගේත් අන් ජාතීන්ගේත් හිත්වල අමනාපකම් ඇති කරවා රජ වීම කළ නොහැකි දෙයකි.සිංහල ඇතැමුන්ට වඩා මේ රට ජාතියට ආදරේ කරන වෙනත් ජාති පුද්ගලයන් මම දැක ඇත්තෙමි..ඔවුන් සමග කටයුතු ද කරන්නෙමි..බොදු බල සේනාවේ කියුම් කෙරුම් අසා අපි විරසක් නොවුවෙමු..නමුදු අපෙගේ හිත්වල මොකදෝ පාපතර සිතුවිල්ලක් ගැබ්ව ඇත..සියට හැටක බවුද්ධ බල වේගයක් අප සතුයි කියා පාරම් බෑ අපේ උන්ට මහින්ද රාජපක්ෂ මහතා රජ පුටුවේ වාඩි කිරීමට හැකි වුණි ද?සුළු ජාතීන්ගේ මානව හිතවාදී අයිතීන් බිඳ හෙලා රජ වීමට,රජ කරවීමට වෙර දැරීම සිංහල බවුද්ද යැයි කියා ගන්නා අපගේ නිවට කමක් නොවන්නේ ද ?බල ලෝබි අපේම උන් ඇති කළ ජාතිවාදී කුරිරු සිතුවිල්ලට සුළු ජාතින් එක්ව ගැසූ ඇතුල් පහරක් නොම වේද මෙය?
.........ගංගොඩවිල සෝම හිමිවන් යතිවරුන් තව තවත් පහල වේවා.......

.....වැසුණු නෙත් සහ අහසේ තරු..................
ගණඳුර කැටි ගැසුණු
පාලුම රාත්‍රියක
නෙත් අයා බලූයෙමි
හිස් අහස් වියන දෙස
එවිට...............
ලෝකය බිහි වූ දා සිට
පායන තරු ගොන්න
මොනවදෝ පවසමින්
පායා ඇත එලෙසම
එදා සිට මෙතුවක් කල්
මුළු අහස ම සරසන
තාරකා ගොන්නට වැඩියෙන්
ප්‍රේමයේ නාමයෙන්
පියාගත් නෙත් ගණන
වැඩි ඇතැයි මට සිතුනි........

කිතුල , ගස් මදින්නා
නුඹ , මම
ගිම්හානෙට කඳුළු සලන
වස්සානෙට හිනැහෙන

නුඹ..........
ගිම්හානෙට හිනැහෙන
වස්සානෙට කඳුළු සලන
මම..........

.........ගස් මදින්නාගේ කවිය........... කඳුල.......
උඹ දන්නව ද
උඹ වැටෙන්නෙ ම
තව එකෙකුගේ
කඳුලක් නතර කරන්න කියල........

...ප්‍රේමය...
යතාර්ථයේ සැතපීමට
හුරු පුරුදු වුණු මාව
සිහින ලොවකට වැඩම්මුවේ
සැනසීමක් ලැබ දන්න ද

....මදුවිත...
යතාර්ථයේ සැතපීමට
හුරු පුරුදු වුණු මාව
අධි යතාර්ථයට වැඩම්මුවේ
සැනසීමක් ලැබ දන්න ද